அடை என்றதும் பெரிய வேலை போல என்று ஒதுங்கி விட வேண்டாம். அதிக வேலையின்றி எளிதாக செய்யலாம். 

ஆரோக்கியம் நிறைந்த கடலை மாவு அடை செய்வது எப்படி?
ஆரோக்கியத்திலும் ருசியிலும் சற்றும் குறையில்லாத இந்த கடலை அடை மழைக்காலங்களிலும் குளிர்காலங்களிலும் மட்டுமல்லாமல் மாலை நேர டிஃபனுக்கும் கூட உரியது என்று சொல்லலாம். 

அப்படியான விதவிதமான உணவு வகைகளில் முக்கியமானது கடலை அடை. பருப்பு அடை, நவதானிய அடை, துவரம் பருப்பு அடை என்ற வகையில் கடலை அடை என்பதும் ஒன்று. 

இதில் சேர்க்கப்படும் அனைத்து பொருள்களும் உடல் ஆரோக்கியத்துக்கு மிகுந்த நன்மை பயக்கும் என்பது குறிப்பிடத்தக்கது. 

குழந்தைகள் முதல் பெரியவர்கள் வரை விரும்பிச்சாப்பிடும் இந்த அடையை மொறு மொறுவென்றும் செய்யலாம். 

மெத் தென்று பெரியவர்கள் சாப்பிடுவதற்கு ஏற்றவாறும் செய்யலாம். ருசியான கடலை அடையை எப்படிச் செய்வது என்று பார்க்கலாமா?

தேவையான பொருள்கள்:

ஊற வைத்து அரைக்க:

கறுப்பு மூக்கடலை, வெள்ளை கொண்டைக்கடலை - தலா 1 தம்ளர்,

பச்சை அரிசி, புழுங்கல் அரிசி- தலா 1 தம்ளர்

வேர்க்கடலை- அரைத் தம்ளர்

கொள்ளு, வெள்ளை எள்- தலா 1 டீஸ்பூன்

க.பருப்பு, உ.பருப்பு, பாசிப்பருப்பு, து.பருப்பு - தலா 1 சிறிய கப்,

வெந்தயம் - 3 டீஸ்பூன்.

தாளிக்க:

இஞ்சிப் பூண்டு விழுது-1 டீஸ்பூன்

நறுக்கிய தேங்காய்த்துண்டுகள்- சிறிய கப்

பொடியாக நறுக்கிய வெங்காயம்- 1 கப்

பெருங்காயம் - சிட்டிகை.

கடுகு, சீரகம், உ.பருப்பு. க.பருப்பு, மிளகு- தாளிக்க தேவையான அளவு.

வர மிளகாய் - காரத்துக்கேற்ப,

எண்ணெய், உப்பு, கறிவேப்பிலை, கொத்துமல்லி - தேவைக்கு

செய்முறை

ஆரோக்கியம் நிறைந்த கடலை மாவு அடை செய்வது எப்படி?

கறுப்பு கடலை, வெள்ளை கொண்டைக்கடலை இரண்டையும் தனித்தனியாக முன் தினம் இரவே ஊற வைக்கவும். 

பருப்பு வகைகளை அடை போடுவதற்கு இரண்டு மணி நேரத்துக்கு முன்பு ஊறவைத்தால் போதுமானது. அனைத்து பருப்பு வகை களையும் தனித்தனியாக ஊற வைக்கவும்.

ஊறுகாய்யை அதிகம் சாப்பிடுவதால் ஏற்படும் தீமைகள் !

க.பருப்பு விரைவில் ஊறிவிடும். உ.பருப்புக்கு சற்று நேரம் பிடிக்கும் என்பதால் அனைத்தையும் தனித்தனியாக ஊற வைக்கவும். 

இதே போன்று வேர்க்கடலை (வறுத்தது அல்ல) வெந்தயத்தையும் தனியாக ஊற வைக்கவும். பச்சரிசி மற்றும் புழுங்கலரிசியையும் சுத்தம் செய்து தனியாக ஊற வைக்கவும்.

கொள்ளையும் தனியாக ஊற வைக்கவும். மிக்ஸியில் முதலில் கடலை வகைகளை கொர கொரப்பாக அரைத்து அகன்ற பாத்திரத்தில் வைக்கவும். 

பிறகு தனித்தனி யாக ஊற வைக்கப்பட்ட பருப்பு வகைகளை ஒன்றாக சேர்த்து ரவை பதத்துக்கு சன்னமாக அரைத்து கடலை வகையோடு கலக்கவும்.

அடுத்து கொள்ளு, வெந்தயம், எள், வேர்க்கடலை அனைத்தையும் சேர்த்து அவற்றையும் சன்னமாக அரைத்து பாத்திரத்தில் கலக்கவும். ஊற வைத்த அரிசியையும் தனித்தனியாகவோ 

அல்லது சேர்த்தோ இட்லி மாவு பதத்துக்கு அரைத்து அதே பாத்திரத்தில் கலக்கவும். காரம் தேவையான அளவு வரமிளகாய் சேர்த்து அரைத்தெடுக்கவும்.

சுவையான சிக்கன் ஊறுகாய் செய்வது எப்படி?

வாணலியில் எண்ணெய் வைத்து தாளிப்பு பொருள்களைச் சேர்த்து நறுக்கிய தேங்காய்த் துண்டுகள் (இதை தனியாக நெய் விட்டு வதக்கியும் சேர்க்கலாம்), நறுக்கிய வெங்காயத்தைப் போடவும். 

அவைப் பொன்னிறமாக வதங்கியதும் இஞ்சி பூண்டு விழுது போட்டு இறக்கி கறிவேப்பிலை, கொத்து மல்லி விழுது, பெருங்காயம் சேர்த்து பாத்திரத்தில் கொட்டி எல்லாம் சேர்ந்து கலக்கவும். 

இப்போது கடலை அடை மாவு தயார்.

தேவையான அளவு உப்பு சேர்த்து நன்றாக கலக்கி ஒரு மணி நேரம் வைத்திருக்கவும். 

பிறகு இரும்பு வாணலி அல்லது அகலமான மண் சட்டியில் 5 டீஸ்பூன் எண்ணெய் விட்டு (நல்லெண்ணெயாக இருந்தால் நல்லது) பெரிய கரண்டியில் அடை மாவு எடுத்து தடிமனாக ஊற்றவும். 

ஊறுகாய் சாப்பிடுவதால் ஏற்படும் நன்மைகள் தெரியுமா?

மெல்லியதாக ஊற்றினால் அவை தோசையாக மாறி விடும் மேலும் அடை போன்ற சுவையைக் கொடுக்காது.

அடுப்பை மிதமான தீயில் வைத்து இருபுறமும் சிவக்க விட்டு சுற்றிலும் எண்ணெய் விட்டு திருப்பி திருப்பி போடவும். 

அடை தடிமனாக ஊற்றியதால் அவை வேக நன்கு நேரம் பிடிக்கும் அதனால் ஒவ்வொரு முறை திருப்பி போடும் போதும் எண்ணெய் விட்டு நன்றாக வேகுமாறு சுற்றி விட்டு எடுக்கவும்.

குழந்தைகளுக்கு மொறு மொறுவென்று இருந்தால் பிடிக்கும் என்பதால் சற்று நேரம் கழித்து எடுக்கலாம் பெரியவர்களுக்கு மிருதுவாக இருக்கும் போதே எடுத்து விடலாம்.

மனிதர்களை காப்பாற்றும் பன்றிகள் பற்றி பலருக்கும் தெரியாத உண்மைகள் !

அடை தடிமனாக இருப்பதால் அதை நான்காக பிரித்து குழந்தைகளுக்கு கொடுக்கலாம். குழந்தைகளுக்கு கொடுப்பதால் முந்திரியைப் பொடித்து நெய்யில் வறுத்து அடையில் சேர்க்கலாம். 

தாளிப்பு பொருள்களை அதிக அளவில் சேர்க்கலாம். இதற்கு தொட்டு கொள்ள வெல்லம் வெகு ஜோராக இருக்கும். மேலும் கெட்டி தேங்காய்ச் சட்னியும் சுவையாக இருக்கும்.செய்து பாருங்களேன்.