கோதுமை இனிப்பு கொழுக்கட்டை செய்வது எப்படி?





கோதுமை இனிப்பு கொழுக்கட்டை செய்வது எப்படி?

0
தேவையான பொருட்கள்:
கோதுமை மாவு - 1 கப்

வெல்லம் - அரை கப்

தேங்காய் - தேவையான அளவு

ஏலக்காய் தூள் - 1/4 தேக்கரண்டி

செய்முறை :
கோதுமை இனிப்பு கொழுக்கட்டை செய்வது எப்படி?
கோதுமை மாவை வாசம் வரும் வரை வெறும் வாணலியில் போட்டு குறைந்த தீயில் வறுத்துக் கொள்ளவும். வெல்லத்தை தட்டி வைத்துக் கொள்ளவும். 

தேங்காயை பொடியாக நறுக்கிக் கொள்ளவும். வாணலியில் தட்டி வைத்த வெல்லத்தை சேர்க்கவும். வெல்லம் மூழ்கும் அளவு தண்ணீர் ஊற்றி கொதிக்க விடவும். 

வெல்லம் கரைந்ததும் வடிகட்டி வைக்கவும். வடிகட்டிய வெல்ல கரைசலை அடுப்பில் வைத்து கொதிக்க விடவும்.
நன்றாக கொதித்ததும், தீயின் அளவை குறைத்து விட்டு பொடியாக நறுக்கிய தேங்காய், ஏலக்காய் தூள், நெய், கோதுமை மாவு ஆகியவற்றை 

ஒன்றன் பின் ஒன்றாக சேர்த்து கை விடாமல் கிளறிக் கொண்டே இருக்கவும். மாவு வாணலியில் ஒட்டாமல் ஒன்றாக சேர்ந்து வரும். 

இதுவே சரியான பதம். பதம் வந்ததும், அடுப்பை அணைத்து மூடி போட்டு சற்று நேரம் ஆற விடவும். 

சூடு சிறிது குறைந்ததும், மாவை சிறிது எடுத்து பிடி கொழுக்கட்டைகளாக செய்து வைக்கவும். 
இட்லி பாத்திரத்தை அடுப்பில் வைத்து தண்ணீர் ஊற்றி சூடானதும் பிடித்து வைத்த கொழுக்கட்டைகளை வைத்து ஆவியில் வேக வைத்து எடுக்கவும்.
ஏற்கனவே கோதுமை மாவை வெல்லத் தண்ணீரில் வேக வைத்து விட்டதால் இந்த கொழுக் கட்டைகள் சீக்கிரம் வெந்து விடும். 

எனவே ஐந்து அல்லது ஏழு நிமிடங்கள் ஆவியில் வேக வைத்தாலே போதுமானது. சுவையான சத்தான கொழுக்கட்டை தயார்.
Tags:

Post a Comment

0Comments

Post a Comment (0)