உருளைக்கிழங்கு சாறு தயாரிப்பது எப்படி?

உருளைக்கிழங்கு சாற்றில் அதிக அளவு வைட்டமின் பி குடும்பத்தின் நியாசின் உள்ளது. இந்த வைட்டமின் உடல் உறுப்புகளின் பணியை மேம்படுத்தும். 

உடலின் பல்வேறு ஆக்ஸிஜனேற்றத்தை மேம்படுத்துவதோடு உறுப்புகள் உடலில் உண்டாகும் சிறிய சேதத்தை சரி செய்து கொள்ளவும், 

சாதாரண செயல்பாட்டுக்கு தேவையான ஊட்டச் சத்துக்களை வழங்குகிறது. இது ஹார்மோன் உற்பத்தியை மேம்படுத்துகிறது.

உருளைக்கிழங்கு சாறை தவறாமல் உட்கொள்வது மன அழுத்த ஹார்மோன்களின் அளவை மேம்படுத்த உதவும். பாலினம் சீராக இருக்க செய்யும்.

சரி வாங்க இனி  ​உருளைக்கிழங்கு சாறு தயாரிக்கும் முறைபற்றி பார்ப்போம்.

தேவையானவை :

உருளைக்கிழங்கு - 2

தண்ணீர் - 2 கப்

கீரை, முட்டை கோஸ், செலரி ஏதாவது ஒன்று - தேவையெனில் சேர்க்கலாம்.

மஞ்சள் - சிட்டிகை

கருப்பு உப்பு - சுவைக்கேற்ப

இஞ்சி சாறு - 1 டீஸ்பூன்

செய்முறை :

உருளைக்கிழங்கு சுத்தமாக தோல் நீக்கி விடுங்கள். பிறகு இதை சுத்தம் செய்து சிறு துண்டுகளாக நறுக்கி கொள்ளவும். 

இதை தண்ணீருடன் சேர்த்து 3 நிமிடங்கள் வேக வைத்து மசிக்கவும். பிறகு இதை மெல்லிய துணியில் வடிகட்டி விடவும். 

இதனுடன் இஞ்சி சாறு தேவையெனில் சேர்த்து குளிரூட்டப்பட்டு பிறகு குடிக்கலாம். இதை தனித்தும் தயாரிக்கலாம். அல்லது கீரை, முட்டை கோஸ், செலரி போன்றவற்றையும் சேர்த்து தயாரிக்கலாம்.