இத்தாலியன் ஹாட் சாக்லேட்டை வீட்டிலேயே எளிமையாக செய்யலாம்.
அதைப் படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள்.
தேவையான பொருட்கள் :
பால் – 3 கப்
சோள மாவு – 1 டீஸ்பூன்
சாக்கோ சிப்ஸ் – 6 டேபிள் ஸ்பூன்
தேன் – 2 டீஸ்பூன்
சர்க்கரை – 2 டீஸ்பூன்
கொக்கோ பவுடர் – 2 டீஸ்பூன்
செய்முறை :
* முதலில் பாலில் சோள மாவை சேர்த்து நன்றாக கலந்து கொள்ள வேண்டும்.
* ஒரு அடி கனமாக பாத்திரத்தில் அடுப்பில் வைத்து சோள மாவு கலந்த பாலை ஊற்றி சூடேற்றவும்.
* அத்துடன் சாக்கோ சிப்ஸ் மற்றும் தேன் சேர்த்து, குறைவான தீயில் தொடர்ந்து கிளறி கொண்டடே இருக்க வேண்டும்.
* சாக்கோ சிப்ஸ் முற்றிலும் கரைந்ததும், அதில் கொக்கோ பவுடர் மற்றும் சர்க்கரை சேர்த்து,
ஒரு கொதி வந்ததும் அடுப்பை அணைத்து இறக்கி, டம்ளரில் ஊற்றி பரிமாறினால், இத்தாலியன் ஹாட் சாக்லேட் ரெடி.
குறிப்பு :
* விருப்பப் பட்டால் இந்த ஹாட் சாக்லேட்டுடன் 1/4 டீஸ்பூன் வென்னிலா எசன்ஸ் சேர்த்துக் கொள்ளலாம்.
* இதில் சேர்க்கப் பட்டுள்ள சோள மாவு, இந்த பானத்தை கெட்டித் தன்மைக்காக சேர்க்கப் பட்டுள்ளது.
உங்களுக்கு ஹாட் சாக்லேட் இன்னும் சற்று கெட்டியாக வேண்டுமானால், சற்று அதிகமாக சோள மாவை சேர்த்துக் கொள்ளலாம்.
* இந்த ஹாட் சாக்லேட் பானத்தை முழுமையாக குறைவான தீயில் தான் செய்ய வேண்டும்.
