தேவையானவை:
நூடுல்ஸ் – ஒரு பாக்கெட்,
வெங்காயம், கேரட் – தலா ஒன்று,
பீன்ஸ் – 6,
வேக வைத்த பச்சைப் பட்டாணி – ஒரு கைப்பிடி,
சோயா சாஸ் – ஒரு டீஸ்பூன்,
டொமெட்டோ சாஸ் – 2 டீஸ்பூன்,
பூண்டு – 2 பல் (நன்கு தட்டி கொள்ளவும்),
காய்ந்த மிளகாய் – ஒன்று (ஒன்றிரண்டாக பொடித்து கொள்ளவும்),
எண்ணெய், உப்பு – தேவையான அளவு.
செய்முறை:
வெங்காயம், கேரட், பீன்ஸை மிகவும் பொடியாக நறுக்கி கொள்ளவும். காய்ந்த மிளகாயை ஒன்றிரண் டாக பொடித்து கொள்ளவும்.
கொதிக்கும் நீரில் நூடுல்ஸைப் போட்டு வேக வைத்து நீரை நன்கு வடித்து விடவும்.
வாணலி யில் எண்ணெய் விட்டு வெங்காயம், கேரட், பீன்ஸ், பச்சைப் பட்டாணி சேர்த்து நன்கு வதக்கி,
அத்துடன் சோயா சாஸ்,
டொமெட்டோ சாஸ், பூண்டு, காய்ந்த மிளகாய், உப்பு சேர்த்து மேலும் வதக்கி…
கடைசி யாக நூடுல்ஸை சேர்த்து நன்கு கிளறி, சுடச்சுட பரிமாறவும்.
