கணவாய் மீன் குழம்பு செய்வது / Cuttle Fish Curry Recipe !





கணவாய் மீன் குழம்பு செய்வது / Cuttle Fish Curry Recipe !

ஆகஸ்ட், செப்டம்பர் மாதங்களில் கணவாய் மீன் அதிகமாகக் கிடைக்கும். கிலோ ரூ. 100க்கு வாங்கலாம். மீன் என்று சொல்லப்பட்டாலும் இது ஒரு கடல் வாழ் உயிரி. 
கணவாய் மீன் குழம்பு
ஜின்க், மாங்கனீஸ், வைட்டமின் பி12 நிறைந்தது இது சாப்பிட மிருதுவான இறைச்சி போல இருக்கும்.

இதை ஊறுகாயாக செய்து சேமிக்கும் வழக்கம் சில மீனவ குடிகளில் உண்டு. இதை எளிமையான செய்முறையில் சமைத்தும் உண்ணலாம்.

தேவையான பொருள்கள் :

கணவாய் மீன்

வெங்காயம்

 தக்காளி

 மஞ்சள் தூள்

 இஞ்சி

 பூண்டு

மிளகாய் தூள்
 
தாளிக்க 

எண்ணெய்

கடுகு

கருவேப்பிலை

 தேவையான உப்பு 

செய்முறை

கணவாய் மீனை சுத்தம் செய்து பலமுறை கழுவுங்கள். கழுவியதில் சிறிதளவு மஞ்சள் தூள் சேர்த்து பிசறி வையுங்கள்.

 கணவாய் மீனின் அளவுக்குத் தகுந்தமாதிரி வெங்காயம், தக்காளியை பொடியாக வெட்டிக் கொள்ளுங்கள். 

இஞ்சி பூண்டை அரைத்து வைக்கவும். தாளிக்க எண்ணெய், கடுகு, கருவேப்பி லையை எடுக்கவும். தேவையான உப்பும், குழம்பு மிளகாய் தூளும் வைத்துக் கொள்ளவும்.

ஒரு வாணலியில் எண்ணெய் விட்டு தாளித்து கடுகு, கருவேப்பிலை, வெங்காயத்தைப் போட்டு இளஞ்சிவப்பாக வதக்கவும்.

பிறகு அரைத்து இஞ்சி, பூண்டு விழுதைச் சேர்த்து வாசனை மாற வதக்கி தக்காளி சேர்த்து அதனுடன் உப்பும் சேர்த்து வதக்கவும். 

தக்காளி வதங்கி வரும்போது மிளகாய் தூள் சேர்த்துக் கிளறவும். அப்போது மிளகாய் புகைக்காமல் இருக்க அடுப்பை குறைவான தீயில் வைக்கவும். 

அடுத்த நொடி சுத்தம் செய்து வைத்திருக்கும் கணவாய் மீனை சேர்த்து நன்றாக பிரட்டி ஒரு கப் தண்ணீர் அல்லது மிதமான தண்ணீர் சேர்த்து நன்றாக வேக விடவும். 

கணவாய் வெந்து தொக்கு பதத்துக்கு வரும்போது அடுப்பி லிருந்து இறக்கவும். வழக்கம் போல

இந்த குழம்பை எல்லா வகையான உணவுடனும் உண்ணலாம். மிகவும் ருசியான கடல் உணவு இது முயற்சித்துப் பாருங்கள்.
Tags: