Flash News

பிரெட் சமோசா செய்முறை | Bread Samosa Recipe !

பேஸ்புக்கில் செய்திகளை படிக்க க்ளிக் செய்யவும்...
தேவையானவை:

பிரெட் துண்டுகள் - 10,

மைதா மாவு - 150 கிராம்,

பீன்ஸ் - 10,

கேரட், வெங்காயம் - தலா 2,

உருளைக் கிழங்கு, பச்சை மிளகாய் - தலா 1,

கரம் மசாலாத் தூள் - சிறிதளவு,

இஞ்சித் துருவல் - சிறிதளவு,

எண்ணெய், உப்பு - தேவையான அளவு. 

செய்முறை:
பிரெட் சமோசா
பிரெட்டை பொடித்துக் கொள்ளவும். மைதா மாவில் சிறிது தண்ணீர் தெளித்து கெட்டியாக சப்பாத்தி மாவு பதத்தில் பிசையவும். 

கேரட்டைத் துருவிக் கொள்ளவும். உருளைக் கிழங்கை வேக வைத்து தோல் உரிக்கவும்.

வெங்காயம், பீன்ஸ், பச்சை மிளகாயை பொடியாக நறுக்கவும். 

கடாயில் எண்ணெய் விட்டு வெங்காயத்தை சேர்த்து வதக்கி... பீன்ஸ், கேரட், இஞ்சித் துருவல், பச்சை மிளகாய், உப்பு, கரம் மசாலாத் தூள் சேர்த்து வதக்கவும். 

இதில் பிரெட் தூள், உருளைக் கிழங்கை சேர்த்து நன்றாகப் பிசைந்து, சிறு உருண்டை களாக உருட்டிக் கொள்ளவும்.

பிசைந்த மைதா மாவை சிறிய அப்பளங்களாக இட்டு, உள்ளே உருண்டையை வைத்து, சமோசா வடிவில் மூடவும். 

கடாயில் எண்ணெய் விட்டு, காய்ந்ததும் தீயை மிதமாக வைத்து ஒவ்வொரு சமோசாவாக போட்டு பொரித் தெடுக்கவும்.

மாலை வேளையில் சூடாக சாப்பிட நன்றாக இருக்கும். சைட் டிஷ் தேவை இல்லை.

No comments

Copyright © 2016 www.esamayal.com. All rights reserved
close