தேவையானவை
பாஸ்தா - ஒரு பாக்கெட்
குடை மிளகாய் - அரை கப்
தக்காளி - ஒன்று
உப்பு - தேவையான அளவு
டொமேட்டோ சாஸ் - கால் கப்
கரம் மசாலா - ஒரு தேக்கரண்டி
வெங்காயம் - 2
சில்லி சாஸ் - 2 தேக்கரண்டி
ஸ்வீட் கார்ன் - ஒரு கப்
எண்ணெய் - 2 தேக்கரண்டி
செய்முறை
முதலில் பாஸ்தாவை வேக வைத்து எடுத்துக் கொள்ளவும். வெங்காயம் மற்றும் தக்காளியைப் பொடியாக நறுக்கி வைக்கவும்.
குடை மிளகாயைப் பொடியாகவோ அல்லது நீளமாகவோ நறுக்கிக் கொள்ளவும்.
வாணலியில் எண்ணெய் விட்டு, வெங்காயத்தை வதக்கவும். பின்பு வெங்காயம் வதங்கியதும், தக்காளியைச் சேர்த்து நன்கு வதக்கவும்.
அதனுடன் கார்ன், குடை மிளகாய், கரம் மசாலா மற்றும் உப்புச் சேர்த்து வதக்கவும்.
பிறகு டொமேட்டோ சாஸ் மற்றும் சில்லி சாஸ் சேர்த்து பிரட்டவும்
பின்னர் அனைத்தும் ஒன்றாகச் சேரும்படி சிறிது நேரம் பிரட்டவும்.
பிறகு வேக வைத்துள்ள பாஸ்தாவைச் சேர்த்துக் கிளறி இறக்கவும். சுவையான கார்ன் பாஸ்தா தயார். பரிமாறவும்