பேபி கார்ன் - மேத்தி கிரேவி செய்வது எப்படி?

பேபி கார்ன் என்பது ஆரம்பத்தில் காலத்திலேயே அறுவடை செய்யப்படும் மக்காச்சோள தானியமாகும். இந்த பேபி கார்ன்கள் அதன் தண்டுகளோடு பச்சையாகவோ அல்லது சமைத்தோ சாப்பிடப் படுகின்றன. 

பேபி கார்னின் தண்டுகள் மிகவும் மென்மையாக இருப்பதால், நன்கு வளர்ந்த மக்காச்சோளத்தின் தண்டுகளில் இருந்து பருப்புகள் பிரித்தெடுக்கப் படுவது போல அவை பிரிக்கப் படுவதில்லை. 

பேன் கார்ன் என்பது டென்ட் கார்ன், இந்தியன் கார்ன் மற்றும் ஸ்ட்ரைப்டு கார்ன் போன்ற பல்வேறு வகைகளில் கிடைக்கிறது. 

சோளத்துடன் ஒப்பிடும் போது பேபி கார்னில் குறைவான கலோரி உள்ளது மற்றும் கிட்டத்தட்ட கொழுப்பு என்பது சுத்தமாக இல்லை. 

பின் இருக்கையிலும் காற்றுப்பைகள் - மெர்சிடிஸ் பென்ஸ் !

பேபி கார்ன் ஆரோக்கியமான காய்கறிகளில் ஒன்று மற்றும் உங்கள் தினசரி உணவில் இதனை சேர்க்கலாம். 

தற்போது இந்த பாபி கார்ன்கள் கான்டினென்டல் மற்றும் ஆசிய உணவு வகைகளில் இன்றியமையாத பொருளாக மாறி விட்டன. இது சாலட்களில் பயன்படுத்தப் படுகிறது. 

பேபி கார்னில் வைட்டமின் ஏ, பி, சி மற்றும் ஈ, ஃபோலேட், தியாமின் மற்றும் பாந்தோத்தெனிக் போன்ற பல்வேறு ஊட்டச்சத்துக்கள் நிறைந்துள்ளன. இதனால் பேபி கார்ன் மூலம் கிடைக்கும் ஆரோக்கிய நண்மைகளும் ஏராளம். 

தேவையான பொருட்கள் :

பேபி கார்ன் - 10,

வெந்தயக்கீரை - கால் கப்,

முந்திரிப் பருப்பு - 5,

வெங்காயம் - 1,

தக்காளி - ஒன்று,

சர்க்கரை அல்லது தேன் - ஒரு டீஸ்பூன்,

ஃப்ரெஷ் க்ரீம் - 2 டேபிள் ஸ்பூன்,

மிளகாய்த் தூள் - அரை டீஸ்பூன்,

கரம் மசாலாத் தூள் - கால் டீஸ்பூன்,

ஏலக்காய் - ஒன்று,

எண்ணெய் - ஒரு டேபிள் ஸ்பூன்,

உப்பு - தேவையான அளவு.

புதிதாக இரத்தம் சுரக்க என்ன செய்யலாம்?

செய்முறை :

வெந்தயக் கீரையை நன்றாக சுத்தம் செய்து பொடியாக நறுக்கி கொள்ளவும். 

பேபி கார்னை பெரிய துண்டுகளாக நறுக்கி குக்கரில் 3 விசில் வரும் வரை வேக வைத்துக் கொள்ளவும்.

வெங்காயம், தக்காளி மற்றும் முந்திரிப் பருப்பை சிறிது எண்ணெய் விட்டு நன்கு வதக்கி, ஆறிய வுடன் மிக்சியில் போட்டு அரைத்துக் கொள்ளவும்.

கடாயில் எண்ணெய் விட்டு ஏலக்காய் சேர்த்து, அரைத்த விழுதைப் போட்டு நன்கு வதக்கிக் கொள்ளவும். இதனுடன்  மிளகாய்த் தூள், உப்பு, கரம் மசாலாத் தூள் சேர்க்கவும்.

பின்னர் பொடியாக நறுக்கிய வெந்தய கீரை சேர்த்து வதக்கவும். இதில் வேக வைத்த பேபி கார்ன், சர்க்கரை (அ) தேன் சேர்க்கவும். 

அடுத்து அதில் தேவையான தண்ணீர் சேர்த்து 10 நிமிடங்கள் மிதமான தீயில் கொதிக்க விடவும். கடைசியாக ஃப்ரெஷ் க்ரீம் சேர்த்து நன்கு கிளறி விட்டு இறக்கவும். சூப்பரான பேபி கார்ன் - மேத்தி கிரேவி ரெடி.