டேஸ்டியான சிக்கன் கிரேவி செய்வது எப்படி?

இந்த உலகில் சிக்கன் பிடிக்காதவர்கள் இருக்க முடியாது. ஏனென்றால், சிக்கனை வைத்து சமைக்கும் அனைத்து உணவுகளுக்கும் நாம் அடிமைகள். 

நமது வீட்டில் சிக்கன் சமைக்கும் நாளில் மட்டும், நாம் சப்புக்கொட்டி வயிறு புடைக்க சாப்பிடுவது உண்டு. நம்மில் பலருக்கு தோன்றும். 

தினமும் சிக்கன் சாப்பிடுவது பாதுகாப்பானதா என்று?… நம்மில் பலர் தினமும் அசைவ உணவு சாப்பிட்டால் அது உடலுக்கு கேடு என நினைப்போம். 

ஆனால், அந்த நம்பிக்கை 50% தவறானது. அளவுக்கு மீறினால் அமிர்தமும் நஞ்சு என்ற பழமொழி நாம் அனைவருக்கும் தெரிந்த ஒன்று. அந்த வகையில், சிக்கனை அளவுக்கு அதிகமாக சாப்பிடுவது ஆபத்தானது தான். 

புகை பழக்கத்தை தடுக்கும் வாழைப்பழம் !

ஆனால், தினமும் சரியான அளவு சிக்கன் சாப்பிட்டால் உடலுக்கு பல்வேறு நன்மைகள் கிடைக்கும். கோழிக்கறியில் நிறைந்துள்ள புரதம் ஆஸ்டியோ போரோசிஸ் (osteoporosis) எனப்படும் எலும்பு தொடர்பான பிரச்சனையை தடுக்கிறது. 

அது மட்டும் அல்ல, சிக்கன் ஆரோக்கியமான எலும்புகளை பராமரிப்பதிலும் முக்கிய பங்கு வகிக்கின்றது. சிக்கனில் உள்ள கோலின் மற்றும் வைட்டமின் B12 நினைவாற்றல் மேம்பாட்டிற்கு உதவுகிறது. 

அதிகளவு கோலின் உட்கொள்வபர்களின் நினைவாற்றல் சிறப்பாக இருப்பதாக பல ஆய்வு முடிவுகள் தெரிவிக்கின்றன.

தேவையானப் பொருள்கள்:

சிக்கன் - சுமார் 1/4 கி

சின்ன வெங்காயம் - 7

தக்காளி - பாதி

இஞ்சி - ஒரு சிறிய துண்டு

பூண்டு - 4 பற்கள்

மஞ்சள் தூள் - 1/2 டீஸ்பூன்

மிளகாய்த் தூள் - 3 டீஸ்பூன்

எலுமிச்சை சாறு - 2 டீஸ்பூன்

தேங்காய்ப் பால் - ஒரு டேபிள் ஸ்பூன்

கொத்து மல்லி இலை - ஒரு கொத்து

புதினா - ஒரு கொத்து

உப்பு - தேவைக்கு

தூக்கமில்லாமல் அவஸ்தை படுகிறீர்களா?

தாளிக்க:

ஆலிவ் ஆயில் (அ) நல்லெண்ணெய் - ஒரு டீஸ்பூன்

கிராம்பு - 1

பிரிஞ்சி இலை - 1

சீரகம்

பெருஞ்சீரகம்

முந்திரி - 2 (விருப்ப மானால்)

செய்முறை:

முதலில் சிக்கனை சிறு துண்டுகளாக நறுக்கி, நன்றாகக் கழுவி நீரை வடிய வைக்கவும். அடுத்து இஞ்சி, பூண்டு தட்டி வைக்கவும். வெங்காயம், தக்காளி நறுக்கி வைக்கவும்.

ஒரு கடாயை அடுப்பில் ஏற்றி சூடானதும் எண்ணெய் விட்டு தாளிக்க கொடுத் துள்ள பொருள்களைத் தாளித்து விட்டு, வெங்காயம் சேர்த்து வதக்கவும். அடுத்து இஞ்சி, பூண்டு சேர்த்து வதக்கி,பிறகு தக்காளி சேர்த்து வதக்கவும். 

அடுத்து சிக்கனை சேர்த்து வதக்கவும். நன்றாக வதங்கி யதும் மஞ்சள் தூள், மிளகாய்த் தூள், உப்பு போட்டுக் கிளறி ஒரு 1/2 டம்ளர் தண்ணீர், தேங்காய்ப் பால் ஊற்றி மூடி கொதிக்க விடவும்.

கண்ட இடத்துல கண்டதை சாப்பிடாதீங்க !

நன்றாகக் கொதித்து கெட்டி யாகி சிக்கன் வெந்ததும் எலுமிச்சை சாறு விட்டு கிளறி, கொத்து மல்லி, புதினா சேர்த்து இறக்கவும். இது சாதம், சப்பாத்தி, நாண், பரோட்டா இவறிற்கு நன்றாக இருக்கும்.