சத்தான ஓட்ஸில் கஞ்சி
மட்டுமே குடித்து அலுத்துப் போனவரா நீங்கள்? இதோ ஓட்ஸில் சுவையான பிரியாணி,
சூடான சப்பாத்தி செய்ய எளிமையான குறிப்புகள். செய்து பாருங்கள்!
தேவையான பொருட்கள்:
ஓட்ஸ் – 250 கிராம்
கோதுமை மாவு – 250 கிராம்
உப்பு – சுவைக்கேற்ப
எண்ணெய் – சிறிதளவு
வெந்தயக் கீரை அல்லது கடைகளில் கிடைக்கும் மேத்தி இலை – ஒரு கைப்பிடி
மஞ்சள் தூள் – 1 ஸ்பூன்
செய்முறை:
வாணலியில் சிறிதளவு எண்ணெய் விட்டு ஓட்ஸ்ஸை வறுத்து மிக்ஸியில் பொடியாக அரைத்துக் கொள்ளவும். அரைத்த ஓட்ஸுடன் கோதுமை மாவு, மஞ்சள் தூள்,
அரிந்த வெந்தயக் கீரை மற்றும் உப்பு சேர்த்து சப்பாத்தி மாவு பதத்திற்கு பிசைந்துக் கொள்ளவும். பிசைந்த மாவை 2 மணிநேரம் ஊறவைத்து, பின்னர் சப்பாத்திகளாக தேய்த்து சுட்டெடுக்கவும்.
ஓட்ஸ், கோதுமை, வெந்தயக் கீரை சேர்ந்த இந்த சப்பாத்தி மிகவும் சுவையாக இருக்கும். எந்தவிதமான குருமாவுடனும் இந்த சப்பாத்தி காம்பினேஷன் அருமையாக இருக்கும்.
