மட்டன் கீமா குழம்பு செய்முறை / Keema mutton broth !

பொதுவாக விடுமுறை நாட்களில் அசைவம் சமைத்து அசத்துவோம். இந்த வாரம் மட்டன் கீமா குழம்பு செய்து சுவைத்துப் பாருங்கள்.

இது மிகவும் சுவையாக இருப்பதோடு மட்டுமல்லாமல் அனைவராலும் மிகவும் விரும்பப்படும்.

சரி இப்போது இதை எப்படி செய்வதென்று பார்ப்போம்.

தேவைாயான பொருட்கள்

கொத்துக்கறி - 300கிராம்

வெங்காயம் - 1

தக்காளி - 2

பச்சை மிளகாய் - 2

மல்லி இலை - சிறிது

கறிவேப் பிலை - சிறிது

கல்பாசி இலை - சிறிது

இஞ்சி பூண்டு பேஸ்ட் - 2 தேக்கரண்டி

பட்டை கிராம்பு ஏலக்காய்த் தூள் - 1/4 தேக்கரண்டி

எண்ணெய் - 11/2 குழிகரண்டி

மிளகாய்த் தூள் - 1 தேக்கரண்டி

மட்டன் மசாலா தூள் - 4 தேக்கரண்டி

அரைக்க

தேங்காய் - 3 துண்டு

கசகசா - 3 தேக்கரண்டி

செய்முறை

கறியை கழுவிவைக்கவும் வெங்காயம் தக்காளியை நறுக்கிவைக்கவும் மிளகாயைகீறிவைக்கவும் அரைக்க கொடுத்தவைகளை மிக்ஸியில் அரைக்கவும்

(கசகசாவை சுடு தண்ணீரில் சிறிது நேரம் ஊற விட்டு பின் அரைக்கவும்)

அடுப்பில் குக்கரை வைத்து எண்ணெய் விட்டுசூடானதும் கல்பாசி இலை, கறி வேப்பிலை போட்டு தாளித்து வெங்காயம் தக்காளி சேர்த்து வதக்கி அதனுடன் இஞ்சி பூண்டு பேஸ்ட்,

பட்டை கிராம்பு ஏலக்காய்த் தூள் சேர்த்து மிளகாய்த் தூள், மட்டன் மசாலா தூள் சேர்த்து பச்சை வாசனை போக வதக்கி கறி உப்பு சேர்த்து தண்ணீர் விட்டு 5 நிமிடம் வேகவிடவும்

வெந்ததும் அரைத்த தேங்காய்விழுது சேர்த்து மூடி 2 விசில் விட்டு இறக்கவும் இறக்கி மல்லி இலை சேர்த்து பரிமாறவும்