இந்த மீன்களில் ஒமேகா 3 கொழுப்பு அமிலம் அதிகமாக இருக்கு !

மீன்களுக்கு இணையான சத்தான உணவு எதுவும் இல்லை என்று தான் சொல்ல வேண்டும். அந்த அளவிற்கு மீன்களில் சத்துக்கள் உள்ளன. உலகின் 70 சதவீத பரப்பளவில் அமைந்துள்ள கடலில் இருந்து மீன்கள் கிடைப்பதால், அவற்றை என்றும் அழியா சொத்து என்று சொல்லலாம். 

மீன் அதிக புரதமுள்ள, குறைந்த கொழுப்புள்ள உணவாகும், இது பலவிதமான ஆரோக்கிய நன்மைகளை வழங்குகிறது. வெள்ளை மாமிச மீன், குறிப்பாக, விலங்கு புரதத்தின் வேறு எந்த மூலத்தையும் விட கொழுப்பு குறைவாக உள்ளது. 

ஒமேகா 3 கொழுப்பு அமிலங்கள் என்பவை பல்வேறு ஆரோக்கிய நன்மைகளை கொண்ட ஒரு ஊட்டச்சத்தாகும். நம் உடலுக்கு இன்றியமையாத ஒரு ஊட்டச்சத்தாக ஒமேகா 3 கொழுப்பு அமிலம் உள்ளது. 

ஆனால் இது இயற்கையாக உடலில் உருவாகுவதில்லை. நாம் உணவின் மூலமே இதை பெற முடியும்.

காம வெறியால் நண்பனை சிறைக்கு அனுப்பி வீடு புகுந்த கொடூரன்கள் !

​ஒமேகா 3 யின் அவசியம்

ஈகோச பெண்டெனோயிக் அமிலம் (ஈ.பி.ஏ) மற்றும் டோகோசா ஹெக்ஸெனோயிக் அமிலம் (டி.ஹெச்.எ) ஆகிய இரண்டு முக்கிய சத்துக்கள் ஒமேகா 3 கொழுப்பு அமிலத்தில் உள்ளன. 

அதிகபட்சம் ஒமேகா 3 கொழுப்பு அமிலங்கள் மீன் வகைகளில் நிறைந்து காணப்படுகின்றன. மேலும் இது இதய ஆரோக்கியத்திற்கு அதிகமாக உதவுகிறது. 

எனவே அதிகமான அளவில் ஒமேகா 3 கொழுப்பு அமிலங்களைக் கொண்ட சில மீன் வகைகளையும் அவற்றின் நன்மைகளையும் இப்போது பார்க்கலாம்.

​சால்மன் மீன்

ஒமேகா 3 கொழுப்பு அமிலங்களை அதிகமாகக் கொண்ட மீன்களில் சால்மன் முக்கியமான ஒரு மீனாகும். சாதாரணமாக இணையத்தில் ஒமேகா 3 கொழுப்பு அமில உணவுகள் என தேடினால் சால்மன் மீன் அதில் முதலில் இருக்கும். 

இதை பல வகையில் உணவாக்கி உண்ண முடியும். இதை வறுக்கலாம் அல்லது க்ரில் செய்யலாம்.

இதில் ஒமேகா 3 கொழுப்பு அமிலங்கள் மட்டுமின்றி உயர் ரக புரதம், மெக்னீசியம், பொட்டாசியம், நியாசின், வைட்டமின் பி12 மற்றும் வைட்டமின் ஏ ஆகியவையும் உள்ளது. 

வைட்டமின் பி12 ஆனது எலும்பு மற்றும் மூளை வளர்ச்சிக்கு உதவுகிறது. எனவே கர்ப்பிணி பெண்களுக்கு சால்மன் மீனை கொடுப்பதன் மூலம் கருவின் ஆரோக்கிய வளர்ச்சிக்கு நாம் உதவ முடியும்.

27 பிரசவத்தில் 69 குழந்தைகளைப் பெற்ற பெண் - வியப்பில் ஆழ்த்தும் தகவல் !

​கானாங்கெளுத்தி மீன்

தமிழகத்தில் பரவலாக பயன்படுத்தப்படும் ஒரு மீனாக கானாங்கெளுத்தி உள்ளது. மேலும் இது கருவாடாகவும் பயன்படுத்தப்படுகிறது, புதிதாக பிடிக்கும் கானாங் கெளுத்தியை கொண்டு பல வகையான உணவுகளை தயாரிக்க முடியும். 

பசிபிக் பகுதியில் கிடைக்கும் கானாங்கெளுத்திகள் நமது பகுதியில் கிடைக்கும் கானாங்கெளுத்தியை விடவும் சுவையாக இருக்கும் என கூறப்படுகிறது. 

ஒமேகா 3 கொழுப்பு அமிலங்கள் இதில் அதிகமாக காணப்படுகிறது. மேலும் இதில் வைட்டமின் பி 12, நியாசின், செலினியம், மெக்னீசியம், இரும்பு மற்றும் பொட்டாசியம் ஆகிய ஊட்டச்சத்துக்களும் உள்ளன.

100 கிராம் கானாங் கெளுத்தியானது 161 கலோரிகளையும் 25 கிராம் புரதத்தையும் கொண்டுள்ளன.

​நெத்திலி மீன்

நெத்திலி தமிழகத்தில் மிகவும் பிரபலமான ஒரு மீன் ஆகும். தமிழக மக்கள் பலரும் நெத்திலி மீனை விரும்புகின்றனர். மளிகைக் கடைகளில் நெத்திலி கருவாடாகவும் கிடைக்கிறது. 

நெத்திலி மீனை எளிதாக சமைக்க முடியும். நெத்திலியில் புரதம், கால்சியம், பொட்டாசியம், செலினியம், வைட்டமின் பி 12 மற்றும் நியாசின் ஆகியவற்றை அதிகமாக கொண்டுள்ளது.

ஒரே நேரத்தில் ஒருவர் 100 கிராம் நெத்திலியை சாப்பிட முடியாது என்றாலும் 100 கிராம் அளவில் அதை எடுத்துக் கொள்ளும் போது அதன் மூலம் 210 கலோரிகள், 29 கிராம் புரதம் ஆகியவற்றை நாம் பெற முடியும்.

கோடையில் மின்சாரத்தை சிக்கனப்படுத்த என்ன செய்யலாம் !

​ஹாலிபட் மீன்

இது அதிக எண்ணெய் தன்மை கொண்ட கடல் மீன்களில் ஒன்றாகும். இதில் ஒமேகா 3 கொழுப்பு அமிலங்கள் அதிகமாகவே உள்ளன. மேலும், புரதம், பொட்டாசியம், நியாசின் ஆகியவையும் இதில் அதிகமாக உள்ளன.

100 கிராம் ஹாலிபட் மீனில் 90 கலோரிகள் மற்றும் 19 கிராம் புரதம் உள்ளது.

​மத்தி மீன்

உண்பதற்கு எளிதான ஒரு மீனாக மத்தி மீன் உள்ளது. இதில் உள்ள முட்கள் மிகவும் மெலிதாக இருப்பதால் முட்களுடனேயே இந்த மீனை நாம் உண்ணலாம். இது ஒரு எண்ணெய் மீன் ஆகும். 

இது கடல் மீன் என்பதால் கடலோர பகுதிகளில் புதிய மத்தி மீன்கள் கிடைக்கும். ஆனால் கடலோர பகுதியில் இல்லாத மக்களுக்கு பிடித்தவுடன் இந்த மீன் கிடைப்பதில்லை.

மற்ற மீன்களை போலவே இதையும் எளிதாக வறுக்க முடியும். இதில் புரதம் மற்றும் ஆரோக்கியமான கொழுப்புகள் அதிகமாக உள்ளன. மேலும் இதில் வைட்டமின் டி, நியாசின் மற்றும் கால்சியம் ஆகியவை அதிகமாக உள்ளன.

100 கிராம் மத்தி மீனில் 208 கலோரிகளும் 25 கிராம் புரதமும், 353 மில்லி கிராம் புரதமும் உள்ளது.

​ரெயின்போ ட்ரவுட் மீன்

இது ஒரு லேசான வெள்ளை நிற மீனாகும். சிலருக்கு சால்மன் மீனின் சுவை அவ்வளவாக பிடிப்பதில்லை அவர்கள் இந்த வகை மீனை சாப்பிடலாம். 

இது ஒமேகா 3 கொழுப்பு அமிலங்களையும் கூடவே புரதம், கால்சியம், மெக்னீசியம் மற்றும் நியாசின் ஆகிய வற்றையும் அதிகமாக கொண்டுள்ளன.

​சூரை மீன்

இது ஒரு கடல் மீன் ஆகும். மற்ற மீன்களை பொலவே இதையும் எளிதாக சமைக்கலாம். இது பல்வேறு வகையான ஊட்டச் சத்துக்களைக் கொண்டுள்ளது. 

ஆனால் கர்ப்பிணிப் பெண்களுக்கும், நோயெதிர்ப்பு குறைபாடு உள்ளவர்களுக்கும் இந்த மீன் உகந்தது அல்ல என கூறப்படுகிறது. 

இந்த மீன் ஒமேகா 3 கொழுப்பு அமிலங்கள், புரதம், மெக்னீசியம், பொட்டாசியம், வைட்டமின் பி 12 மற்றும் நியாசின் ஆகியவற்றை அதிகமாக கொண்டுள்ளது.

மேற்கண்ட இந்த மீன்கள் அனைத்தும் ஒமேகா 3 கொழுப்பு அமிலங்களை அதிகமாகக் கொண்டுள்ளன. இவற்றை நாம் நமது அன்றாட உணவுகளில் சேர்த்துக் கொள்ளலாம்.

கூகுலில் என் பேருக்கு வரும் புகைப்படம் அதிர்ச்சி அளிக்கிறது - ஹீரோயின் !

​முரண் கெண்டை மீன்

அதிக பசியோடு இருப்பவர்கள் பசியை கட்டுப்படுத்த முரண் கெண்டை மீனை சாப்பிடலாம். இந்த மீன் சிறியதாக இருப்பதால் இதை வைத்து கிரில் போன்ற உணவுகளும் சமைக்கப் படுகின்றன. 

இதில் புரதம், கால்சியம், மெக்னீசியம், பொட்டாசியம், நியாசின், வைட்டமின் பி-12 மற்றும் செலினியம் ஆகிய சத்துக்கள் அதிகமாக உள்ளன. மேலும் இது குறைவான அளவில் கலோரிகளை கொண்டுள்ளதால் எடை இழப்பிற்கும் உதவுகிறது.

எனவே எடை இழப்பிற்கு முயற்சி செய்து கொண்டு இருப்பவர்கள் தங்கள் உணவு அட்டவணையில் முரண் கெண்டை மீனை சேர்த்துக் கொள்ளலாம்.