சுவையான பிளம் கேக் பால்ஸ் செய்வது எப்படி?

கிறிஸ்துமஸ் பண்டிகை நெருங்கிக் கொண்டிருக்கிறது. பலரும் கிறிஸ்துமஸ் ஸ்பெஷலாக வீட்டிலேயே பல வித்தியாசமான கேக் ரெசிபிக்களை செய்ய நினைப்பார்கள். 

உங்களுக்கு மிகவும் எளிமையான முறையில், அதே சமயம் அதிகமான பொருட்கள் பயன்படுத்தாமல் சிம்பிளாக ஒரு கிறிஸ்துமஸ் ஸ்பெஷல் ரெசிபி செய்ய விரும்பினால், ப்ளம் கேக் பால்ஸ் செய்யுங்கள். 

இது அனைவருமே செய்யக் கூடிய வகையில் எளிமையான செய்முறையைக் கொண்டது. சரி இனி பிளம் கேக் கொண்டு சுவையான பிளம் கேக் பால்ஸ் செய்வது எப்படி? என்று இன்றைய சமையலில் பார்ப்போம். 

நம் உடலில் உள்ள வியர்வை சுரப்பிகள் தெரியுமா? உங்களுக்கு... !

தேவையான பொருட்கள் : .

பிளம் கேக் / ஃபுரூட் கேக் - 2 கப்

பட்டர் க்ரீம் - 3-4 டேபிள் ஸ்பூன்

டார்க் சாக்லேட் - ஒரு கப்

ஸ்பிரிங்கல்ஸ் (Sprinkles) - தேவையான அளவு

செய்முறை : .

முதலில் ஒரு பௌலில் பிளம் கேக் அல்லது ஃபுரூட் கேக்கை உதிர்த்து விட வேண்டும். பின் அதில் பட்டர் க்ரீம் சேர்த்து நன்கு கலந்து கொள்ள வேண்டும். பின்பு அதை சிறு சிறு உருண்டைகளாக உருட்டிக் கொள்ளவும். 

பின் அதை ஃப்ரிட்ஜில் ஒரு மணி நேரம் வைத்து குளிர வைக்கவும். பிறகு ஒரு பௌலில் டார்க் சாக்லேட்டை டபுள் பாய்லிங் முறையில் உருக்கிக் கொள்ளவும். 

புல்லட் ரயில் 400 km வேகத்தில் எவ்வாறு இயங்குகிறது?

பின் ஃப்ரிட்ஜில் உள்ள உருண்டைகளை எடுத்து, ஒவ்வொரு உருண்டையின் மேல் ஒரு ஸ்பூன் உருகிய சாக்லேட்டை ஊற்றி, மேலே ஸ்பிரிங்கல்ஸ் தூவி, சில நிமிடங்கள் அப்படியே விட்டால், சுவையான ப்ளம் கேக் பால்ஸ் தயார்.

குறிப்பு : .

ஸ்பிரிங்கல்ஸ் இல்லா விட்டால் விருப்பமுள்ளவர்கள் பிளம் கேக் பால்ஸ் மேலே நட்ஸ் அல்லது உலர் பழங்களைத் தூவிக் கொள்ளலாம்.