சுவையான ரமலான் மட்டன் ஹலீம் செய்வது எப்படி? - ESamayal

Ticker

10/recent/ticker-posts

Header Ads Widget

சுவையான ரமலான் மட்டன் ஹலீம் செய்வது எப்படி?

ரமலான் மாதம் தொடங்கி விட்டபடியால் இஸ்லாமியர்கள் பலரும் ரமலான் நோன்பை மேற்கொள்ள ஆரம்பித்திருப்பார்கள். 

சுவையான ரமலான் மட்டன் ஹலீம்
இந்த ரமலான் மாத நோன்பின் போது அதிகாலை சூரிய உதயத்திற்கு முன் மற்றும் சூரிய உதயத்திற்கு பின் மட்டுமே உணவை உட்கொள்ள வேண்டும். 

அதுவரை பகல் பொழுதில் தண்ணீர் கூட அருந்தாமல் நோன்பு இருந்து பின் சாப்பிடும் உணவானது சத்துக்கள் நிறைந்ததாகவும், ஆரோக்கியமானதாகவும் இருக்க வேண்டும். 

அதோடு சுவையானதாகவும் இருக்க வேண்டுமென பலர் நினைப்பார்கள்

தேவையான பொருட்கள்:

மட்டன் - 1/2 கிலோ

பாசிப் பருப்பு - 1 டேபிள் ஸ்பூன்

உளுத்தம் பருப்பு - 1 டேபின் ஸ்பூன்

தயிர் - 1 கப்

பொன்னிறமாக வதக்கிய வெங்காயம் - சிறிது

கோதுமை ரவை - 1/2 கப்

கடலை பருப்பு - 1 டேபிள் ஸ்பூன்

கரம் மசாலா - 1 டீஸ்பூன்

மட்டன் வேக வைத்த நீர் - 6 கப்

உப்பு - சுவைக்கேற்ப

இஞ்சி பூண்டு விழுது - 1 டேபிள் ஸ்பூன்

பச்சை மிளகாய் விழுது - 1 டீஸ்பூன்

சீரகம் - 1 டீஸ்பூன்

நெய் - 1/4 கப்

எலுமிச்சை துண்டுகள் - சிறிது

மிளகு - 1 டீஸ்பூன்

புதினா - சிறிது

கொத்தமல்லி - 2 டேபிள் ஸ்பூன்

செய்முறை:

முதலில் மட்டனை நீரில் நன்கு கழுவிக் கொள்ள வேண்டும். பின்னர் மட்டனை உப்பு மற்றும் தயிர் சேர்த்து பிரட்டி அரை மணிநேரம் ஊற வைத்துக் கொள்ளுங்கள்.

பின்பு கோதுமை ரவையை நீரில் 3-4 மணி நேரம் ஊற வைத்துக் கொள்ளுங்கள். அதேப் போல் மற்ற பருப்புக்களையும் நீரில் தனித்தனியாக 3-4 மணி நேரம் ஊற வைத்துக் கொள்ளுங்கள்.

3-4 மணி நேரம் கழித்து, ஊற வைத்துள்ள கோதுமை ரவை மற்றும் பருப்புக்களில் உள்ள அதிகப்படியான நீரை வெளியேற்றி விடுங்கள். 

பிறகு ஒரு கனமான நாண்ஸ்டிக் பேனை அடுப்பில் வைத்து, அதில் கோதுமை ரவை மற்றும் பருப்புக்களை போட்டு சில நிமிடங்கள் கிளறி, பின் ஒரு கப் நீர் ஊற்றி கொதிக்க வையுங்கள்.

பருப்புகள் நன்கு வெந்ததும், அதில் ஊற வைத்துள்ள மட்டனை சேர்த்து கிளறி, 5-6 நிமிடம் வேக வையுங்கள். 

மட்டன் ஹலீம்

அதன் பின் பச்சை மிளகாய் விழுது, சீரகம், மிளகு, இஞ்சி பூண்டு விழுது, பொன்னிறமாக வதக்கிய வெங்காயம், கரம் மசாலா, மட்டன் நீர்/நீர் சேர்த்து கிளறிவிடுங்கள்.

பின்பு அதில் புதினா, கொத்த மல்லியை சேர்த்து, தேவையான அளவு உப்பு தூவி நன்கு கிளறி, 5-6 நிமிடம் வேக வைக்க வேண்டும். பின் மூடி வைத்து குறைவான தீயில் ஒரு மணி நேரம் வேக வைக்க வேண்டும்.

பின் மூடியைத் திறந்து, வாணலியில் உள்ள மட்டன் துண்டுகளை எடுத்து தனியாக வைத்துக் கொள்ள வேண்டும். 

அடுத்து ஒரு கரண்டி அல்லது ஹேண்ட் பிளெண்டரைக் கொண்டு வாணலியில் உள்ள கலவையை நன்கு நசுக்கி விட வேண்டும்.

பிறகு மட்டன் துண்டுகளை மீண்டும் வாணலியில் சேர்த்து, நெய் ஊற்றி நன்கு கிளறிவிட்டு, அடுப்பை அணைக்க வேண்டும். 

இறுதியில் பொன்னிறமாக வதக்கிய வெங்காயம் மற்றும் எலுமிச்சை துண்டுகளால் அலங்கரித்தால், சுவையான மட்டன் ஹலீம் தயார்.