மொச்சை கத்திரிக்காய் குழம்பு சூடான சாதம், இட்லி, தோசைக்கு நல்ல பொருத்தமானது.
மொச்சை கத்திரிக்காய் குழம்பு
தேவையான பொருட்கள் :
மொச்சை - 1/2 கப்

கத்திரிக்காய் பிஞ்சாக - 6

பூண்டு - 7 பல்

சின்ன வெங்காயம் - 50 கிராம்

கறிவேப்பிலை - 1 கொத்து

தக்காளி - 1

உப்பு - தேவைக்கு

மஞ்சள் தூள் - 1/4

புளிச்சாறு - 2 மேஜைக்கரண்டி

சாம்பார் மிளகாய்ப்பொடி (அல்லது) தனி மிளகாய்த்தூள் - 2 1/2 ஸ்பூன்

மல்லித்தூள் - 1 ஸ்பூன்

தாளிக்க :

எண்ணெய் - 1 1/2 மேஜைக்கரண்டி

சோம்பு - 1 ஸ்பூன்

சீரகம் - 1/2 ஸ்பூன்

வெந்தயம் - 1/4 ஸ்பூன்
செய்முறை :

மொச்சையை 6 மணிநேரம் ஊற வைத்து குக்கரில் போட்டு வேக வைத்து கொள்ளவும். கத்திரிக்காயை வேண்டிய வடிவில் வெட்டி கொள்ளவும். 
வெங்காயம், தக்காளி, பூண்டை பொடியாக நறுக்கி கொள்ளவும். வாணலியில் எண்ணெய் ஊற்றி சூடானதும் தாளிக்க கொடுக்கப் பட்டுள்ள பொருட்களை போட்டு தாளித்த பின் 

கறிவேப்பிலை, வெங்காயம் பூண்டு சேர்த்து 2 நிமிடம் வதக்கவும். பின்னர் வெட்டிய கத்திரிக்காய் சேர்த்து நன்கு வதக்கவும்.

கத்திரிக்காய் நிறம் மாறி வதங்கி வரும் போது தக்காளி, உப்பு, மஞ்சள்தூள் சேர்த்து வதக்கவும். அடுத்து அதில் புளிச்சாறு, மிளகாய்த்தூள் மற்றும் 2 கோப்பை தண்ணீர் சேர்த்து கொதிக்க விடவும்.
கத்திரிக்காய் வெந்ததும் வேகவைத்த மொச்சை சேர்த்து 5 நிமிடம் மிதமான தீயில் கொதிக்க விடவும். குழம்பு கெட்டியானதும் சூடான சாதத்துடன் பரிமாற மொச்சை கத்திரிக்காய் குழம்பு ரெடி.