விடுமுறை நாட்களில் காலையில் பெரும்பாலும் பூரி தான் செய்வீர்களா? அந்த பூரிக்கு வீடே மணக்கும் அளவில் ஒரு சைடு டிஷ் செய்து வீட்டில் உள்ளோரை அசத்த நினைக்கிறீர்களா?
அப்படியானால் மட்டன் ரோகன் ஜோஷ்யை செய்யுங்கள். அதுவும் இந்த மட்டன் கிரேவியை வழக்கமாக செய்வது போன்று செய்யாமல், கீழே கொடுக்கப் பட்டுள்ளவாறு செய்தால், சுவை இன்னும் அட்டகாசமாக இருக்கும்.
மேலும் இது செய்வதற்கு மிகவும் ஈஸியாகவும் இருக்கும். குழந்தைகள் முதல் பெரியவர்கள் வரை விரும்பி சாப்பிடக் கூடியவாறும் இருக்கும்.
முக்கியமாக இது பூரி, சப்பாத்தியுடன் மட்டுமின்றி, சாதத்துடன் சேர்த்து சாப்பிடவும் நன்றாக இருக்கும். உங்களுக்கு மட்டன் ரோகன் ஜோஷ்யை எப்படி செய்வதென்று தெரிந்து கொள்ள வேண்டுமா?
கீழே மட்டன் கிரேவி ரெசிபியின் எளிய செய்முறை கொடுக்கப் பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள் :
மட்டன் - கால் கிலோ
வெங்காயம் - 1
இஞ்சி பூண்டு விழுது - 2 தேக்கரண்டி
தக்காளி பியூரி - கால் கப்
மிளகாய்த் தூள் - 2 தேக்கரண்டி
கரம் மசாலா தூள் - ஒரு தேக்கரண்டி,
சீரகத் தூள் - ஒரு தேக்கரண்டி
கொத்தமல்லி - சிறிதளவு,
உப்பு - தேவையான அளவு.
தாளிக்க :
பட்டை, பிரிஞ்சியிலை, ஏலக்காய், லவங்கம் - தலா 2
எண்ணெய் - தேவையான அளவு
இந்திய கேப்டனுக்கு அமெரிக்கா பல மில்லியன் தர முன் வந்ததா?
செய்முறை :
கொத்த மல்லி, வெங்காய த்தை பொடியாக நறுக்கி கொள்ளவும். குக்கரை அடுப்பில் வைத்து எண்ணெய் ஊற்றி சூடானதும்
எண்ணெய் ஊற்றி தாளிக்க கொடுத்த பொருட்களை போட்டு தாளித்த பின்னர் வெங்காயம் சேர்த்து வதக்கவும். வெங்காயம் நன்றாக வதங்கியதும் இஞ்சி பூண்டு விழுது சேர்த்து பச்சை வாசனை போக வதக்கவும்.
அடுத்து அதில் மட்டன் சேர்த்து வதக்கி விட்டு வேக தேவையான அளவு தண்ணீர் ஊற்றி குக்கரை மூடி 8 விசில் வரும் வரை வேக விடவும்.
விசில் போனவுடன் குக்கர் மூடியை திறந்து அதில் மிளகாய்த் தூள், கரம் மசாலா தூள், சீரகத் தூள் மற்றும் உப்பு சேர்க்கவும். அடுத்து அதில் தக்காளி பியூரியை சேர்த்து கொதிக்க விடவும்.
மிக்சி வாங்குவதற்கான வழிகாட்டி !
எல்லாம் ஒன்றாக சேர்ந்து கொதித்து வெந்ததும் கொத்த மல்லித் தழை தூவி இறக்கவும். சுவையான மட்டன் ரோகன் ஜோஷ் தயார்.
