சூப்பரான ஓட்ஸ் கேசரி செய்வது எப்படி?

நாம் எப்போதும் ஆரோக்கியமாக இருக்க நம் உடலில் அனைத்து ஊட்டச் சத்துக்களும் இருப்பது மிகவும் அவசியம். ஆனால் இதற்கு ஊட்டச்சத்துக்கள் நிறைந்த உணவுப் பொருட்களை நம் டயட்டில் சேர்த்து கொள்ள வேண்டும்.

அந்த வகையில் ஓட்ஸ் நம் உடலுக்கு எண்ணற்ற ஆரோக்கிய நன்மைகளை அளிக்கிறது. சாப்பிடுவதற்கு சுவையானது மட்டுமல்ல ஆரோக்கிய மானதாகவும் இருக்கும் ஓட்ஸை பலரும் தங்கள் காலை நேர தாயத்தில் சேர்த்து கொள்கின்றனர். 

இதற்கு முக்கிய காரணம் ஓட்ஸ் சாப்பிடுவது நம்மை நாள் முழுவதும் சுறுசுறுப்பாக வைத்திருக்கும். 

கூடுதல் உடல் எடையை குறைக்க உதவுவது, இதய ஆரோக்கியத்திற்கு நன்மை செய்வது மற்றும் சிறந்த செரிமானம் என ஓட்ஸை டயட்டில் சேர்த்து கொள்வதால் பல நன்மைகள் கிடைக்கின்றன. 

சாக்லேட் சமோசா செய்வது !

ஓட்ஸில் ஃபைபர் சத்து நிறைந்துள்ளதால் இதனை டயட்டில் சேர்த்து கொள்ளும் ஒருவருக்கு வயிறு முழுமை அடைந்த உணர்வு மற்றும் திருப்தியாக சாப்பிட்ட உணர்வை ஏற்படுத்துகிறது. 

இதன் மூலம் தங்கள் உடல் எடையை குறைக்கும் முயற்சியில் இருப்பவர்களின் ஒட்டு மொத்த கலோரி நுகர்வு குறையும். இது எடை இழப்பிற்கு கணிசமாக உதவும். 

தவிர ஓட்ஸில் உள்ள நார்ச்சத்து குடல் இயக்கத்தை சீராக்கவும், செரிமான அமைப்பு சிறப்பாகவும், ஆரோக்கியமாகவும் இருக்க உதவி மலச்சிக்கல் வராமல் தடுக்கிறது என்கிறார் தீபாலி ஷர்மா. 

தொடர்ந்து ஓட்ஸின் நன்மைகள் பற்றி பேசிய நிபுணர் தீபாலி, ஓட்ஸில் உள்ள நார்ச்சத்து மற்றும் காம்ப்ளக்ஸ் கார்போ ஹைட்ரேட்ஸ் உள்ளிட்டவை மெதுவாக ஜீரணமாகும் என்பதால், ரத்த ஓட்டத்தில் சர்க்கரை படிப்படியாக வெளியிடப்படும். 

இதனால் ஓட்ஸ் எடுத்து கொள்வது ரத்த சர்க்கரை அளவை குறைக்கும். சரி இனி ஓட்ஸ் பயன்படுத்தி சூப்பரான ஓட்ஸ் கேசரி செய்வது எப்படி? என்று இந்த பதிவில் கண்போம்.  

கொசு விரட்டி மற்றும் ரூம் ஸ்பிரே அலர்ஜி

தேவையான பொருட்கள் :

ஓட்ஸ் - ஒரு கப்

சீனி - முக்கால் கப்

நெய் - அரை கப்

ஏலக்காய் பொடி - அரை தேக்கரண்டி

காய்ச்சிய பால் - ஒரு கப்

கேசரி கலர் - தேவைக்கேற்ப

விரும்பிய நட்ஸ் - சிறிது

செய்முறை :

தேவையான அனைத்தையும் தயாராக வைக்கவும். கடாயில் ஓட்ஸைப் போட்டு வாசம் வரும் வரை வறுத்துக் கொள்ளவும். அத்துடன் பாலை ஊற்றி நன்கு கிளறி விட்டு வேக விடவும். 

வெந்ததும் கேசரி கலர் மற்றும் ஏலக்காய் பொடி சேர்த்துக் கிளறவும். பிறகு அதனுடன் நெய் சேர்த்துக் கிளறவும். கடைசியாக சர்க்கரையைச் சேர்த்து நன்றாகக் கிளறவும். 

அப்பன்டிசைடிஸ் என்பது கல் அடைப்பது அல்ல !

அனைத்தும் ஒன்றாகச் சேர்ந்து பாத்திரத்தில் ஒட்டாத பதத்திற்கு வந்ததும், நெய்யில் வறுத்த நட்ஸ் தூவி இறக்கவும். சுலபமாகச் செய்யக் கூடிய, சுவையான ஓட்ஸ் கேசரி தயார்.