உடலின் கெட்ட கொலஸ்ட்ரால் அளவைக் குறைக்க உதவும் ஒமேகா 3 கொழுப்பு அமிலம், செலெனியம் மற்றும் தாமிரம் ஆகியவற்றின் ஆதாரமாக நண்டு இறைச்சி விளங்குகிறது. 
சுவையான நண்டு வறுவல் செய்வது எப்படி?
கெட்ட கொலஸ்ட்ரால் அளவு உடலில் அதிகரிப்பதால் மாரடைப்பு மற்றும் வாதம் உண்டாகும் அபாயம் ஏற்படுகிறது. 
நாட்பட்ட இதய நோய் பாதிப்புகள் இருப்பவர்கள் நண்டு எடுத்துக் கொள்வதால் அதன் பாதிப்பு குறைகிறது மற்றும் உடலுக்கு நல்ல ஆற்றல் கிடைக்கிறது. 

நண்டு இறைச்சியில் செலெனியம் அதிக அளவில் காணப்படுகிறது. 

ப்ரீ ரேடிகல் என்னும் தீங்கு விளைவிக்கும் கூறுகளிடமிருந்து அணுக்கள் மற்றும் திசுக்களை சேதமடையாமல் பாதுகாக்க செலெனியம் உதவுகிறது. 

சரி இனி நண்டு கொண்டு சுவையான நண்டு வறுவல் செய்வது எப்படி? என்று பார்ப்போம்.

தேவையானவை :

நண்டுகள் (மீடியமானது) - 6

பெரிய வெங்காயம் - 2

தக்காளி - 1

மஞ்சள் தூள் - 1 சிட்டிகை

உப்பு, எண்ணெய் - தேவையான அளவு
அரைக்க தேவையானவை :

இஞ்சி - சிறுதுண்டு,

சின்ன வெங்காயம் - 10 ,

காய்ந்த மிளகாய் - 10 ,

சீரகம் - 1 டீஸ்பூன்,

பூண்டு பல்- 5 ,

தனியா - 2 டீஸ்பூன்
செய்முறை :
சுவையான நண்டு வறுவல் செய்வது எப்படி?
ஒரு வாணலியில் தேவையான அளவு எண்ணெய் ஊற்றி காய்ந்ததும் வெங்காயம், தக்காளி சேர்த்து வதக்கவும்.

இதனுடன் அரைத்த மசாலாவை சேர்த்து வதக்கி ஒரு டம்ளர் நீர் ஊற்றி தேவைக்கேற்ப உப்பு, மஞ்சள் தூள் சேர்க்கவும்.
தண்ணீர் கொதிக்க ஆரம்பித்ததும், நண்டுகளைப் போடவும். மெல்லிய தீயில் சிறிது நேரம் வைத்திருக்கவும். 

நண்டுகள் வெந்து, மசாலா கலவையுடன் சேர்ந்து கெட்டி யானதும் இறக்கிப் பரிமாறவும்.