ஓட்ஸ் அம்மிணி கொழுக்கட்டை செய்முறை ! - ESamayal

Ticker

10/recent/ticker-posts

Header Ads Widget

ஓட்ஸ் அம்மிணி கொழுக்கட்டை செய்முறை !

தேவையானவை: 

ஓட்ஸ்- 1 கப்

பச்சரிசி மாவு- 1 கப்

தேங்காய்த் துருவல்- 1/4 கப்

உப்பு- தேவையான அளவு

காயம்- சிறிதளவு

தாளிக்க:

எண்ணெய்- 1 தேக்கரண்டி

கடுகு- 1 தேக்கரண்டி

கடலைப் பருப்பு- 1/2 தேக்கரண்டி

வெள்ளை உளுத்தம் பருப்பு- 1/2 தேக்கரண்டி

கறிவேப்பிலை- 1 இணுக்கு

தூவ:

மிளகாய்த் தூள்- சிறிதளவு

மிளகுத் தூள்- சிறிதளவு

இட்லி மிளகாய்ப் பொடி- 1/2 தேக்கரண்டி

செய்முறை:
ஓட்ஸ் அம்மிணி கொழுக்கட்டை
1. மின்னரைப் பானில் ஓட்ஸைத் திரித்துக் கொள்ளவும்.

2. திரித்த ஓட்ஸ், அரிசி மாவைப் பச்சை வாடைப் போக வதக்கிக் கொண்டு உப்பு, காயம் சேர்க்கவும்.

3. வழக்க மாகக் கொழுக் கட்டைக்குச் செய்வது போல சுடு தண்ணீரைச் சேர்த்துக் கொழுக்கட்டை மாவு பதத்திற்கு ஆக்கவும்.

4. தேங்காய்த் துருவலைச் சேர்க்கவும்.

5. அடுப்பை அணைத்து விட்டு சூடு லேசாக ஆறியதும் உருண்டைகள் ஆக்கவும்.

6. இட்லிப் பானையில் தட்டுக்களில் எண்ணெய் தடவிக் கொழுக் கட்டைகளை அடுக்கவும்.

7. ஆவியில் வேக விடவும்.

8. அவை வெந்து கொண்டி ருக்கும் போது இன்னொரு வாணலியில் தாளிசப் பொருட்களைத் தாளித்துக் கொள்ளவும்.

9. கொழுக்கட்டை தயாரானதும் ஓரிரு நிமிடங்கள் வெளியே வைத்து சூடு ஆற விடவும்.

10. தாளித்தப் பொருட்களுடன் கொழுக் கட்டைகளைப் பிரட்டி எடுக்கவும்.

11. அப்போது முப்பொடிகளைத் (மிளகாய்த் தூள், மிளகுத் தூள், இட்லி மிளகாய்ப் பொடி) தூவிப் பிரட்டவும்.
ஓட்ஸ் அம்மிணி கொழுக்கட்டை
12. மிகவும் ருசியாக இருக்கும் ஓட்ஸ் காரக்கொழுக்கட்டை. அம்மிணிக் கொழுக்கட்டையின் பாணியில் செய்வதால் ஓட்ஸ் அம்மிணிக் கொழுக்கட்டை என்ற நாமகரணம்.

ஓட்ஸை வைத்துக் கொண்டு என்னடா செய்வது என்று திருதிருவென விழித்துக் கொண்டிருக்க வேண்டாம். இனி ஓட்ஸில் விதவிதமான சமையலைச் செய்து அசத்தலாம். உடலையும் கட்டுக் கோப்பாக வைத்துக் கொள்ளலாம்.

அம்மிணிக் கொழுக்கட்டை பாணியில் செய்யாமல் தாளித்ததை வதக்கிய கொழுக்கட்டைமாவுடன் சேர்த்தே ஆவியில் வேக வைக்கலாம்.