சுவையான ஓட்ஸ் தோசை செய்வது எப்படி?

நாம் எப்போதும் ஆரோக்கியமாக இருக்க நம் உடலில் அனைத்து ஊட்டச்சத்துக்களும் இருப்பது மிகவும் அவசியம். ஆனால் இதற்கு ஊட்டச்சத்துக்கள் நிறைந்த உணவுப் பொருட்களை நம் டயட்டில் சேர்த்து கொள்ள வேண்டும்.

அந்த வகையில் ஓட்ஸ் நம் உடலுக்கு எண்ணற்ற ஆரோக்கிய நன்மைகளை அளிக்கிறது. சாப்பிடுவதற்கு சுவையானது மட்டுமல்ல ஆரோக்கிய மானதாகவும் இருக்கும் ஓட்ஸை பலரும் தங்கள் காலை நேரத்தில் சேர்த்து கொள்கின்றனர். 

இதற்கு முக்கிய காரணம் ஓட்ஸ் சாப்பிடுவது நம்மை நாள் முழுவதும் சுறுசுறுப்பாக வைத்திருக்கும். கூடுதல் உடல் எடையை குறைக்க உதவுவது. 

சட்டப்பூர்வ அறிவிப்பு (லீகல் நோட்டீஸ்) எப்போது அனுப்பலாம்?

ஓட்ஸில் ஃபைபர் சத்து நிறைந்துள்ளதால் இதனை டயட்டில் சேர்த்து கொள்ளும் ஒருவருக்கு வயிறு முழுமை அடைந்த உணர்வு மற்றும் திருப்தியாக சாப்பிட்ட உணர்வை ஏற்படுத்துகிறது. 

இதன் மூலம் தங்கள் உடல் எடையை குறைக்கும் முயற்சியில் இருப்பவர்களின் ஒட்டு மொத்த கலோரி நுகர்வு குறையும். இது எடை இழப்பிற்கு கணிசமாக உதவும்.

தவிர ஓட்ஸில் உள்ள நார்ச்சத்து குடல் இயக்கத்தை சீராக்கவும், செரிமான அமைப்பு சிறப்பாகவும், ஆரோக்கியமாகவும் இருக்க உதவி மலச்சிக்கல் வராமல் தடுக்கிறது என்கிறார் தீபாலி ஷர்மா. 

தொடர்ந்து ஓட்ஸின் நன்மைகள் பற்றி பேசிய நிபுணர் தீபாலி, ஓட்ஸில் உள்ள நார்ச்சத்து மற்றும் காம்ப்ளக்ஸ் கார்போ ஹைட்ரேட்ஸ் உள்ளிட்டவை மெதுவாக ஜீரணமாகும் என்பதால், ரத்த ஓட்டத்தில் சர்க்கரை படிப்படியாக வெளியிடப்படும். 

இதனால் ஓட்ஸ் எடுத்து கொள்வது ரத்த சர்க்கரை அளவை குறைக்கும். சரி இனி சுவையான ஓட்ஸ் தோசை செய்வது எப்படி?? என்று இந்த பதிவில் பார்ப்போம்.

ஏன் டவ் சோப் சிறந்தது என்று தெரியுமா? 

தேவையானவை:

ஓட்ஸ்- 1 டம்ளர்

கோதுமை- 1/2 டம்ளர்

அரிசிமாவு- ஒரு கைப்பிடி

ரவை- ஒரு கைப்பிடி

உப்பு- தேவையான அளவு

தயிர்- 5 தேக்கரண்டி

தாளிக்க:

எண்ணெய்- 1 தேக்கரண்டி

கடுகு- 1 தேக்கரண்டி

கடலைப்பருப்பு- 1 தேக்கரண்டி

வெள்ளை உளுத்தம்பருப்பு- 1 தேக்கரண்டி

பச்சைமிளகாய்- 3

கறிவேப்பிலை- 1 இணுக்கு

காயம் – சிறிதளவு

 

செய்முறை:

ஓட்ஸைத் திரித்துக் காற்றுப் புகாத பாத்திரத்தில் போட்டு மூடி வைக்கவும், தேவைப்படும் போது பயன்படுத்திக் கொள்ளலாம். திரித்த ஓட்ஸ், கோதுமை, ரவை, அரிசிமாவைத் தண்ணீர் விட்டு உப்பு போட்டுத் தோசை மாவு பதத்திற்குக் கரைக்கவும்.

தாளிசப்பொருட்களைத் தாளித்து மாவில் கொட்டிப் பத்து நிமிடங்கள் ஊற வைக்கவும். அடுப்பை ஏற்றித் தோசைக்கல் சூடானதும் தோசைகளாக வார்க்கவும்.

நின்று கொண்டு தண்ணீர் குடித்தால் என்ன ஆகும் ?

கூடுதல் தகவல்கள்:

சட்னி, குழம்பு, மிளகாய்ப்பொடி ஓட்ஸ் தோசைக்கு அருமையான இணை. சாதா தோசைகளை விட ஓட்ஸ் தோசை சத்தானதும் கூட. 2 தோசைகளிலே வயிறு நிரம்பி விடும்.

வெங்காயத்தைப் பொன்னிறமாக வறுத்தும் மாவுடன் சேர்த்து வெங்காய ஓட்ஸ் தோசைகளாக வார்க்கலாம். கேரட்டைத் துருவிப் போட்டும் செய்யலாம்.