இறால் மீனில் உள்ள சத்துக்கள் அபரிமிதமானவை.. கனிமச்சத்தின் அளவு அதிகமாக உள்ளது. ஹீமோகுளோபினில் ஆக்ஸிஜன் கலக்கும் செயலில் முக்கிய பங்கு வகிக்கிறது இந்த கனிமம்.
கூடுதல் இரும்புச்சத்து உடம்பில் ஏறும் போது, தசைகளுக்கு கூடுதல் அளவிலான ஆக்ஸிஜன் செல்லக்கூடும்.
இறால் மீனை குழந்தைகள் சாப்பிட்டு வந்தால், மூளைக்கு செல்லும் ஆக்ஸிஜனின் அளவும் அதிகரித்து ஞாபக சக்தி அதிகரிக்கும்.
இறாலில் அயோடின் சத்து நிறைய உள்ளதால், உடலில் தைராய்டு ஹார்மோன்கள் சுரக்க பேருதவி புரிகின்றன.
இந்த ஹார்மோன்கள் குழந்தை பருவத்திலும், கர்ப்பமாக இருக்கும் நேரத்திலும், மூளையின் வளர்ச்சிக்காக தேவைப்படுகிறது. இறாலில் புரதம், கால்சியம், பொட்டாசியம் மற்றும் பல வைட்டமின்கள் உள்ளன.
பல வகை புற்றுநோய்களில் இருந்து காப்பதுடன், நுரையீரல் புற்றுநோய்க்கு எதிராக போராடும்.அசைவ உணவுகளிலேயே சுவைக்க வித்தியாசமான தாகவும், அதே நேரத்தில் சுவையான தாகவும் இருக்கும்.
இறால் என்றால் அது மிகை அல்ல. இந்த
இறால் வறுவலை எப்படி சமைப்பது என்பதைப் பார்ப்போமா..
தேவையானவைகள்..
இறால் – 1/2 கிலோ
சின்ன வெங்காயம் - 50 கிராம்
பச்சை மிளகாய் – 2
இஞ்சிப் பூண்டு விழுது – 2 டீஸ்பூன்
மிளகாய்த் தூள் - 1 டீஸ்பூன்
மல்லித்தூள் – 1/2 டீஸ்பூன்
மஞ்சள் தூள் – 1/2 டீஸ்பூன்
உப்பு - தேவையான அளவு
எண்ணெய் – 2 டீஸ்பூன்
கடுகு உளுந்து, கறிவேப்பிலை – தாளிக்க
கொத்தமல்லி தழை – சிறிதளவு
செய்முறை
முதலில் சின்ன வெங்காயம், கொத்தமல்லி, பச்சை மிளகாயை மிக்சியில் நன்றாக அரைத்து வைத்துக் கொள்ளவும். வாணலியில் எண்ணெய் ஊற்றி சூடானதும் கடுகு, உளுந்து, கறிவேப் பிலை போட்டு தாளிக்கவும்.
இதனுடன் அரைத்து வைத்த வெங்காயம், பச்சை மிள காய் சேர்த்து வதக்கவும். பின்னர் இஞ்சி, பூண்டு சேர்த்து பச்சை வாசம் போகும் வரை வதக்கவும்.
இதனுடன், மிளகாய்த் தூள், மல்லித்தூள், மஞ்சள் தூள் சேர்த்து வதக்கி சுத்தம் செய்த இறால் சேர்த்து வதக்கவும். உப்பு சேர்த்து லேசாக தண்ணீர் தெளித்து தீயை குறைந்த அளவில் வைத்து சிவக்கும் வரை வறுக்கவும்.
கடைசியாக கொத்த மல்லி தழை தூவி இறக்கவும். நாவில் நீர் ஊறச்செய்யும் இறால் வறுவல் ரெடி.
Tags:
- படித்து விட்டு மற்றவர்களுக்கும் சேர் பண்ணுங்க.... அவர்களும் பயன் பெறட்டும்....
